Proque le omne philosophista es pro le pace inter tote populos, religions, linguas, et cetera, ille va dicer le seque solmente un vice pro sempre : le guerra inter le interlingu-istas e le esperant-istos es stupide, vergoniose e super toto--contraproductive.
In un mundo de terrorismo, crises economic, corruption politic, problemas ecologic e le grande difficultate trovar un vermente bon pizza, nos non ha bezonio del spectaculo pietose del -istas contra le -istos. In prime loco, illo non es logic. Le situation del duo plus famose linguas auxiliar que se detesta mutualmente es tanto ridicule como le vendetta del primitive Hatfields e McCoys in le Statos Unite durante le annos 1800.
Ho! Le -istas, le -istos : io ha un secreto por vos. Vos linguas es tote le duo utile e belle inventions del genio human. Illos ha multe plus punctos in commun que differencias. Altere secreto: le linguas planificate, il ha milles. Multo concurrencia. Se il habera troppo difficultate selectionar un lingua auxiliar inter le duo plus famose a causa del guerrilla, un altere, forsan minus utile lingua artificial pote vincer. O pejo, nulle lingua neutral.
Dunque, le omne philosophista dice al tote partisanos del linguas international: tolerancia! Un lingua commun por le mundo esserea multo belle e practic, ma le qual non es vermente importante. Illo es le racion que nos, le conlinguistas, debe esser unite o al minus tolerante del altere lingua projectos. Mesmo klingonese. Isto esserea un del bon manieras convincer le publico del importantia de un neutral lingua auxiliar pro totos.
Nessun commento:
Posta un commento